ဗုဒ္ဓသာသနာကို ဘယ်သူတွေ ဖျက်စီးနိုင်သလဲ

ကျတော်တို့ ဗုဒ္ဓဘာသာကို အခြားဘာသာခြားတွေအနေနဲ့ ဖျက်စီးလို့မရပါဘူး။ ကျတော်တို့ဗုဒ္ဓဘာသာကို ကျတော်တို့ထဲက စုံးပြူးဗုဒ္ဓဘာသာဝင်တွေကပဲဖျက်စီးလို့ရပါတယ်။ တစ်ခြားဘာသာခြားတွေကအနေနဲ့ကတော့ ဖျက်ချင်ရင်တောင် ရုပ်ပိုင်းဆိုင်ရာဖြစ်တဲ့ စေတီပုထိုးတွေ ကျောင်းကန်တွေ ကိုပဲဖျက်လို့ရချင်ရမယ်။ ကျတော်တို့ ရဲ့ ရင်ထဲမှာ ကိန်းအောင်းနေတဲ့ ရတနာသုံးပါကိုကြည်ညိုတဲ့စိတ်ကိုတော့ သရဏဂုံပျက်လောက်အောင်တော့ သူတို့တွေမဖျက်စီးနိုင်ကြပါဘူး။ ကျတော်တို့ကိုသတ်လို့ကျတော်တို့ရဲ့အသက်တွေသေရင်သေသွားပါစေ။ ကျတော့်တို့ရဲ့ရတနာသုံးပါး အပေါ်မှာယုံကြည်မြတ်နိုးတဲ့စိတ်ကတော့သေသွားမှာမဟုတ်ပါဘူး။ စေတီပုထိုးကျောင်းကန်ဆိုတာလည်း ဘာသာခြားတွေ မဖျက်ဆီးလည်းတစ်နေ့တော့သင်္ခါရသဘောတရားအရပျက်စီးမှာမလွဲမသွေပါ။ ဒီတော့သိစေချင်တာကတော့ဗျာ။ ကျတော်တို့ရဲ့ နှလုံးသားမှာတည်နေတဲ့သရဏဂုံကိုတော့ ကျတော်တို့ထဲကဗုဒ္ဓဘသာအမည်ခံတွေကသာဖျက်စီးနိုင်တာပါ။ ဥပမာတစ်ခုပြောရရင်တော့ဗျာ။ ဇမ္ဓူရာဇ်ရွှေစင်ကို ကျောက်သံပတ္တမြားက ဖျက်ဆီးလို့မရနိုင်သလို အဲဒီကျောက်သံပတ္တမြားကိုလည်း ဇမ္ဓူရာစ်ရွှေစင်ကဖျက်စီးလို့မရနိုင်ပါဘူး။ ဘာကြောင့်လည်းဆိုတော့ အမျိုးမတူတဲ့အတွက်ကြောင့်ပါ။ ဇမ္ဓူရာစ်ရွှေစင်အစစ်ကိုတော့ အဲဒီရွှေနဲ့တူတဲ့ ဇမ္ဓူရာစ်ရွှေအတုကပဲဖျက်လို့ရသလို ။ ကျောက်သံပတ္တမြားအစစ်ကို လည်း ကျောက်သံပတ္တမြားအတုကပဲ ဖျက်စီးလို့ရပါတယ်။ အတုဆိုတာမျိုးကတော့ အစစ်နဲ့ခွဲခြားလို့တော်တော်နဲ့မရကောင်းဘူးလေ။ အဲဒီတော့ ကိုယ့်ရဲ့ဗုဒ္ဓဘာသာအစစ်ကို ဗုဒ္ဓဘာသာအတုအယောင်တွေက (အယောင်ဆောင်တွေက)မှတ်ပုံတင်ထဲကဗုဒ္ဓဘာသာအမည်ခံတွေကပဲ ဖျက်စီးနေကြတာပါ။ ဒီဥပမာကိုကျတော်ပေးတာမဟုတ်ပါဘူး။ လောကရဲ့ တုနှိုင်းမဲ့ဖြစ်တဲ့ ဗုဒ္ဓလို့ခေါ်ဆိုတော်မူထိုက်တဲ့ မဟာသတ္ထာဘုရားရှင်ကပေးခဲ့တဲ့ဥပမာပါ။ သူတော်ကောင်းများစဉ်းစားကြည့်ပါ။ အခြားဘာသာတွေလည်းဒီအတိုင်းပါပဲ။ သူတို့ရဲ့ ဘာသာတူတွေကပဲ သူတို့ရဲ့ဘာသာကို အခြားဘာသာတွေကအထင်မြင်သေးလာအောင် ဖန်တီးပြီးဖျက်စီးနေကြတာပါ။ အဲဒီတော့ ကျတော်ပြောချင်တာက။ ဗုဒ္ဓဘာသာဝင်တွေအနေနဲ့ အခြားဘာသာဝင်တွေကိုမုန်းတီးနေမယ့်အစား တိုက်ခိုက်နေမယ့်အစား ကိုယ့်ဘာသာထဲကစုံးပြူးတွေကို အရင်ဆုံးသုတ်သင်စေချင်တယ်။ သူတို့မကျေနပ်လို့အခြားဘာသာထဲကူးပြောင်းသွားရင်လည်း နှမြောစရာကြောင်းမရှိပါဘူး။ ဒီလိုမျိုးတွေကျတော်တို့ဘာသာထဲမှာရှိနေရင်လည်း ကျတော်တို့ဗုဒ္ဓဘာသာအတွက် သာသနမလဝိသောဓနီ ဖြစ်မှာမဟုတ်ပါဘူး။အန္တာရယ်ကြီးမားလှတဲ့ဆူးငြောင့်ခလုပ်ပဲဖြစ်မှာပါ။ သူ့ဘာသာသူဘာကြီးပဲဖြစ်နေဖြစ်နေ။ ဘယ်လောက်နာမည်ပဲကြီးနေကြီးနေ။ ဗုဒ္ဓသာသနာအတွက် ကျတော်တို့ ခင်များတို့အတွက် သရဏဂုံပျက်လောက်တဲ့ အထိဖြစ်လာမယ်ဆိုရင်တော့ သုတ်သင်ရမှာပါပဲ။ သုတ်သင်တယ်ဆိုတာသူ့ကိုသတ်ဖို့ ညင်းပန်းနှိပ်စက်ဖို့ဆိုလို တာမဟုတ်ပါဘူး။သာသနာတော်သန့်ရှင်း တည်တံ့ရေးအတွက်တစ်မျိုးမျိုး တော့စဉ်းစားရမှာပါပဲ။ အဲဒီတော့ ခင်များတို့ကျတော်တို့ပဲကိုယ်တတ်နိင်တဲ့ အားနဲ့ အွန်လိုင်းမှာဖော်ဝပ်မေးတွေပို့ရင်းသာသနာပြုကြရတာပေါ့ဗျာ။သာသနာပြုတယ်ဆိုရာမှာလည်း သူ့အသက်ကိုလည်းထိခိုက်စေ သူ့စည်းစိမ်ဥစ္စာကိုလည်းပျက်စီးစေ ဆိုတဲ့ အဖြစ်မျိုးကတော့မကောင်းဘူးဗျာ့။ အဲလိုမျိုးဖြစ်ပြီးမှသာသနာတည်တံ့တယ်ဆိုတာ ၊ သာသနာပြုတယ်ဆိုတာဘုရားရှှုင်နှစ်သက်တော်မူတဲ့ ခွင့်ပြုတော်မူတဲ့ သာနာတည်တံ့ခြင်းမျိုး၊သာသနာပြုခြင်းမျိုးမဟုတ်ဘူးဗျာ့။ အဲဒီတော့ နှလုံးသားဝယ်ဘုရားတည် ဆိုတဲ့ ယောဆရာတော်ရဲ့ နှုတ်ခွန်းတော်အတိုင်းခင်များတို့ကျတော်တို့ရဲ့ နှလုံးသားမှာ သရဏဂုံမပျက်သရွေ့ ဘုရားတည်ပြီးသားပါဗျာ။ သရဏဂုံမပျက်စီးအောင်လည်း ဗုဒ္ဓဿအဝဏ္ဏံဘာသတိ ။ ဓမ္မဿအဝဏ္ဏံဘာသတိ။ သံဃဿအဝဏ္ဏံဘာသတိဆိုတဲ့အတိုင်းရတနာသုံးပါးရဲ့ ဂုဏ်ကို ကျေးဇူးမဲ့ ကဲ့ရဲ့တဲ့စကား လှောင်ပြောင်တဲ့စကား ပေါ့ပေါ့တန်တန်ဂရုဂါရဝမထားတဲ့စကားအပြုအမူတွေကိုရှောင်ရှားကြရင်းနဲ့ ရတနာသုံးပါးကိုစော်ကားလာသူတိုင်းကိုလည်း ရဲဝံ့ပြတ်သားစွာနဲ့ ဆန့်ကျင်ပြီး ပြောဆိုဆုံးမကြရအောင်လားအွန်လိုင်းမှသူတော်ကောင်းတို့။ အနုပညာရှင်ဖြစ်ရင်လည်း အားမပေးဖို့ သူတို့ရဲ့ ထွက်သမျှခွေကိုဆန့်ကျင်ဖို့နဲ့ နောင်အခါရှောင်ကျဉ်လာအောင် လုပ်သင့်ပါတယ်လို့ကျတော်ပြောပြချင်ပါတယ်။ ဘာသာရေးအသိစိတ်ဓါတ်မရှိတဲ့သူကို အသိစိတ်ဓါတ်တွေရှိလာအောင် ချစ်မြတ်နိုးတတ်လာအောင် ယဉ်ကျေးသိမ်မွေ့လာအောင် ကျတော်တို့ကြိုးစားကြရအောင်လားဗျာ။ 

“ဗုဒ္ဓသာသနံစိရံတိဌတု" သုခိအတ္တာနံပရိဟန္တု 

ဓမ္မမိတ်ဆွေ မစိုးရိမ်ကျောင်းသားဟောင်း စိုင်းသိင်္ခ ( တောင်ကြီး ) 

အရှင်ဝရသာမိ 

https://shintharmi.blogspot.com