ဆဋ္ဌမအကြိမ် နိုင်ငံတော် သံဃမဟာနာ ယကအဖွဲ့ (၄၇)ပါးစုံညီ နဝမအစည်းအဝေး သဘာ ပတီ၊ နိုင်ငံ တော် သံဃမဟာနာယကအဖွဲ့ ဥက္ကဋ္ဌ၊ မကွေးမြို့ မဟာဝိသုတာရာမတိုက်သစ်ဆရာတော် အဘိဓဇမဟာရဋ္ဌဂရု အဘိဓဇအဂ္ဂမဟာ သဒ္ဓမ္မ ဇောတိက ဘဒ္ဒန္တကုမာရ၏ သာရဏီယ သြဝါဒ ကထာ အပြည့်အစုံမှာ အောက်ပါအတိုင်း ဖြစ်သည်။ ဆရာတော် အရှင်မြတ်တို့ဘုရား- သံဃာ့အဖွဲ့အစည်းဖွဲ့စည်း၍ သာသနာ တော် သန့်ရှင်းရေးကို ဆောင်ရွက်ခဲ့ရာ ရှေးဦးအစပိုင်း အချိန်က ရဟန်းတု၊ ရဟန်းယောင်များ ပပျောက် သလောက်ဖြစ်၍ သမဏသာရုပ္ပမရှိသော ရဟန်း တော်များသည် နည်းပါးလာခဲ့ပါသည်။ ပရိယတ္တိ သာသနာတော်၏ အညစ်အကြေး ဘေးရန်ဖြစ် သော အဓမ္မဝါဒများကိုလည်း ပိတ်ပင်ဟန့်တား ပယ် ရှားနိုင်ခဲ့ပါသည် ဘုရား။ ယခုအခါ ပရိယတ္တိ သာသနာတော်၏ ဘေးရန်ဖြစ်သော [အဓမ္မဝါဒ] ဟု ဆုံးဖြတ်ခဲ့ပြီး သော ဝါဒများ တစ်စတစ်စ ခေါင်းထောင်လာပြန် ပါသည်။ အချို့က မထင်မရှားဟောပြောကြသည်။ အချို့က အထင်အရှား ဟောပြောကြသည်။ အချို့ က သင်တန်းဖွင့်၍ ပြသကြသည်။ အဓမ္မဝါဒအဖြစ် ဆုံးဖြတ်အပ်ပြီးသော စာအုပ်စာတမ်းများကို မိတ္တူ ကူး၍ ဖြန့်ချိနေကြသည်များကိုလည်း အထင်အရှား တွေ့မြင်နေကြရပါသည်။ ဤအဓမ္မဝါဒများကို မည်သည့်ဒေသ၌ မည်သည့်ပုဂ္ဂိုလ်များ မည်သို့မည်ပုံ ဟောပြောနေကြ သည်။ သင်တန်းပို့ချနေကြသည် စသည်များကို “ပြည်နယ် တိုင်း၊ မြို့နယ် သံဃနာယကအဖွဲ့များက အတိအကျ စုံစမ်းထောက်လှမ်း၍ နိုင်ငံတော် သံဃ မဟာနာယကအဖွဲ့ထံ အစီရင်ခံတင်ပြကြရန် ညွှန့် ကြားလွှာများ ထုတ်ထားသင့်မည်” ဟု သဘောရပါ သည်ဘုရား။ ဤလျှောက်ထားခဲ့ပြီးသော အကြောင်းခြင်း ရာများသည် ပရိယတ္တိ သဒ္ဓမ္မတည်း ဟူသော မြတ်ဗုဒ္ဓ ၏ သာသနာတော် မသန့်မရှင်း ညစ်နွမ်းရခြင်း၏ အညစ်အကြေးများ ဖြစ်ပါသည်။ ဤသာသနာ့ အညစ်အကြေးများကို သုတ်သင်ဖယ်ရှား တားမြစ် ခြင်းမရှိဘဲ လျစ်လျူရှုထားကြလျှင် ပရိယတ္တိ သဒ္ဓမ္မ ဟူသော မြတ်ဗုဒ္ဓ၏ သာသနာတော်မြတ်ကြီး ပျက် စီး ကွယ်ပျောက်သွားနိုင်ပါသည်။ ဆရာတော် အရှင် သူမြတ်တို့ဘုရား “အမှိုက်မှအစ ပြာသဒ်မီးလောင်” ဟူသော မြန်မာ့စကားပုံရှိခဲ့ပါသည်။ ယခုဖြစ်ပေါ် နေသည့် ပြာသာဒ်ကို လောင်မည့်မီးသည် သာမည မီးပေါက်မီးပွားကလေးမျှ မဟုတ်တော့ပါ။ ထေရဝါဒ ဗုဒ္ဓသာသနာတော်မြတ်ကြီးတည်း ဟူသော ပြာဿဒ် တော်ကြီးကို မျိုဝါးလောင်မြိုက်သွားနိုင်လောက် အောင် အင်အားကြီးမားသော မီးပုံကြီးဖြစ်နေသည် ကိုလည်း သတိကြပ်ကြပ်ထားတော်မူကြစေချင်ပါ တယ်ဘုရား။
ပရိယတ္တိ သဒ္ဓမ္မဟူသော မြတ်ဗုဒ္ဓ၏ သာ သနာတော်မြတ်ကြီး ပျက်စီးကွယ်ပျောက်သွားလျှင် ပဋိပတ္တိသဒ္ဓမ္မ၊ ပဋိဝေဓသဒ္ဓမ္မတည်းဟူသော သာ သနာတော်မြတ်ကြီးများလည်း ပျက်စီးကွယ်ပျောက် သွားကြပါလိမ့်မည်ဘုရား။ ဘုရားရှင်ကိုယ်တော်မြတ်ကြီးသည် ထို အရေးကို မြင်တော်မူသောကြောင့် အရှင်မဟာ ကဿပ မထေရ်မြတ်အား.
“သေယျသာပိ ကဿပ န ဇာတရူပဿ အန္တရဓာနံ ဟောတိ။ ယာ၀ န ဇာတရူ ပပ္ပတိ ရူပကံ လောကေ ဥပ္ပဇ္ဇတိ။ ယတော စ ခေါ ကဿပ ဇာတ ရူပပ္ပတိရူပကံ လောကေ ဥပ္ပဇ္ဇတိ။ အထ ဇာတရူပ ဿ အန္တရဓာနံ ဟောတိ။ ဧဝမေ၀ ခေါ ကဿပ န တာ၀ သဒ္ဓမ္မဿ အန္တရဓာနံ ဟောတိ။ ယာ၀ န သဒ္ဓမ္မပ္ပတိရူပကံ လောကေ ဥပ္ပဇ္ဇတိ။ ယတော စ ခေါ ကဿပ သဒ္ဓမ္မပ္ပတိရူပကံ လောကေ ဥပ္ပဇ္ဇတိ။ အထ သဒ္ဓမ္မဿ အန္တရဓာနံ ဟောတိ” ဟု ဟော တော်မူခဲ့ပါသည်ဘုရား။ (အံ၊ ၁၊ ၄၂၂)
ဤပါဠိတော်၏ အကျဉ်းချုပ် အဓိပ္ပာယ်မှာ- “ကဿပလောက၌ ရွှေအတု မဖြစ်ပေါ် သေးသမျှ ကာလပတ်လုံး ရွှေအစစ် မကွယ်ပျောက် နိုင်သေး။ လောက၌ ရွှေအတုဖြစ်ပေါ်လာသော အခါ၌မူကား ရွှေအစစ် ကွယ်ပျောက်နိုင်၏။ ကဿပ ဤဥပမာအတူပင် လောက၌ သဒ္ဓမ္မပ္ပတိရူပက- သူတော်ကောင်းတရားအတု အယောင် မဖြစ်ပေါ်သေးသမျှကာလပတ်လုံး သူ တော်ကောင်းတရားတည်းဟူသော သဒ္ဓမ္မသုံးဖြာ သာသနာတော် မကွယ်ပျောက်နိုင်သေး။ လောက၌ သဒ္ဓမ္မပ္ပတိ ရူပက- သူတော်ကောင်းတရား အတု အယောင်ဖြစ်ပေါ်လာသောအခါ၌မူကား သူတော် တရားတည်းဟူသော သဒ္ဓမ္မသုံးဖြာ သာသနာတော် ကွယ်ပျောက်နိုင်၏” ဟု ဆိုလိုပါ သည်ဘုရား။ ဆရာတော်အရှင်မြတ်တို့ဘုရား ယခုအခါ ပြည်ထောင်စု မြန်မာနိုင်ငံတော် အတွင်း၌ သဒ္ဓမ္မပ္ပတိရူပကခေါ် သူတော်ကောင်း တရားဟု၊ တရားယောင်များ အထင်အရှားပေါ် ပေါက်နေပါပြီဘုရား။ ထိုတရားတု၊ တရားယောင် များကို စတင်ဟောပြောဖြန့်ချိနေကြသော ဝိတဏ္ဍ ဝါဒီ၊ အဓမ္မဝါဒီများသည် ပါပိစ္ဆဣစ္ဆပကတသဘော ဖြင့် သံဂါယနာ (၆)တန်တင် ပါဠိတော်၊ အဋ္ဌကထာ များကိုပင် ဘုရားဟောမဟုတ် ဗြဟ္မဏဝါဒများ ဖြစ် သည်ဟု ပုတ်ခတ်ပယ်ရှားပြီးလျှင် ဘုရားရှင်၏ ဒေသနာတော်ကို ခုတုံးလုပ်ကာ ဘုရားရှင်ဟောကြား တော်မူအပ်သော ဒေသနာတော်၏ အဓိပ္ပာယ်ကို အလွဲလွဲအမှားမှား ဖွင့်ဆိုကြလှက် ဘုရားရှင် ဒေသနာတော်နှင့် ဖြောင့်ဖြောင့်ဆန့်ကျင်သော ဝါဒ သစ်များ ထူထောင်ကြ၍ အဓမ္မဝါဒများကို ဟော ပြောခြင်း သင်တန်းပေးခြင်း၊ စာအုပ်စာတမ်းများ ထုတ်ဝေခြင်း စသည်တို့ဖြင့် စနစ်တကျ စီမံကိန်း ချကာ ထေရဝါဒဗုဒ္ဓသာသနာတော်ကို ဦးတည်၍ ထိုးနှက်တိုက်ခိုက်နေကြသော ပုဂ္ဂိုလ်များဖြစ်ကြပါ သည်ဘုရား။ ထိုပုဂ္ဂိုလ်များသည် သံဃာ့အဖွဲ့အစည်း အခြေခံစည်းမျဉ်းစာမျက်နှာ (၂၇) အပိုင်း (၁၂) အပိုဒ်ခွဲ (၈)၌ “ပိဋကတ်တော်နှင့် မညီသော ရေး သားခြင်း၊ ဟောပြောခြင်း၊ ပြသခြင်း၊ ပြုလုပ်ခြင်းများ ကို တားဆီးကာကွယ်ရန် ဖြစ်သည်” ဟု ပြဆိုထား ပါလျက် ထိုစည်းမျဉ်းစည်းကမ်းကို မလိုက်နာဘဲ ထေရဝါဒ ဗုဒ္ဓပိဋကတ်တော်နှင့် မညီသော ရေးသား ခြင်း၊ ဟောပြောခြင်း၊ ပြသခြင်း၊ ပြုလုပ်ခြင်းများကို စနစ် တကျ စီမံကိန်းချကာ အင်တိုက်အားတိုက် ပြုလုပ် ဆောင်ရွက်နေကြပါသည်ဘုရား။
ဤသာသနာတော်၏ အညစ်အကြေးဘေး ရန်ဖြစ်သော အဓမ္မဝါဒများကို သုတ်သင်ပယ်ရှား တားမြစ်ရမည့်တာဝန်သည် တပည့်တော်တို့ နိုင်ငံ တော် သံဃမဟာနာယက အဖွဲ့၏ တာဝန်ဖြစ်ပါ သည်။ တာဝန်အရှိဆုံးဖြစ်သော တပည့်တော်တို့ နိုင် ငံတော် သံဃမဟာနာယာကအဖွဲ့ကြီးသည် တာဝန် ကို သိသောအားဖြင့် ဤတာဝန်ကို တပည့်တော်တို့ မလွဲမသွေ ဧကန်မုချ ဆောင်ရွက်ကြရမည် ဖြစ်ပါ သည်။ ဤသို့ ဆောင်ရွက်ရာ၌ နိုင်ငံတော် ဗဟို သံဃာ့ဝန်ဆောင်ဆရာတော်များကလည်း သာသနာ စိတ်ဓာတ်အပြည့်အဝဖြင့် အင်တိုက်အားတိုက် ဝိုင်း ဝန်းကူညီ ဆောင်ရွက်ကြရမည် ဖြစ်ပါသည်။ သံဃသမ္မုတိရ သံဃာ့ကိုယ်စားလှယ် ဆရာတော်များကလည်း လက်ပိုက်ကာ ကြည့်မနေ ဘဲ နိုးနိုးကြားကြား တက်တက်ကြွကြွပါဝင် ဆောင် ရွက်ကြရမည် ဖြစ်ပါသည်။ သက်ဆိုင်ရာ အာဏာပိုင်အဖွဲ့အစည်းများ ကလည်း ဓမ္မစက်ကို အာဏာစက်ဖြင့် ကူညီပံ့ပိုးခြင်း၊ ဗုဒ္ဓဘာသာဝင် ဥပါသကာ၊ ဥပါသိကာတို့ကလည်း အာမိဿနုဂ္ဂဟဖြင့် အားပေးချီးမြှောက် ထောက်ပံ့ ခြင်းတို့ဖြင့် သဒ္ဓါတရားထက်ထက်သန်သန် ပါဝင် ဆောင်ရွက်ကြရမည် ဖြစ်ပါသည်။
ဤသို့ တက်ညီလက်ညီ ဆောင်ရွက်မှသာ ဤအဓမ္မဝါဒများကို သုတ်သင်ပယ်ရှား၊ တားမြစ် နိုင် မည် ဖြစ်ပါသည်။ ဤသို့ အဓမ္မဝါဒသာသနာ့ အညစ် အကြေးတို့ကို သုတ်သင်၊ ပယ်ရှား၊ တားမြစ်လိုက်ပါ လျှင် မြတ်ဗုဒ္ဓ၏ ပရိယတ္တိသဒ္ဓမ္မသာသနာတော်မြတ် ကြီး သန့်ရှင်းစင်ကြယ်သွားမည် ဖြစ်ပါသည်။ ပရိယတ္တိသဒ္ဓမ္မသာသနာတော်မြတ်ကြီး သန့်ရှင်းစင်ကြယ်လျှင် ပဋိပတ္တိသဒ္ဓမ္မ သာသနာတော် မြတ်ကြီးလည်း သန့်ရှင်းစင်ကြယ်သွားမည် ဖြစ်ပါသည်ဘုရား။
သာသနာတော်တည်တံ့ရေး
ဆရာတော်အရှင်မြတ်တို့ဘုရား- ဘုရားတပည့်တော်တို့၏ ပြည်ထောင်စု မြန် မာနိုင်ငံတော်၌ မြို့တိုင်းလိုလိုပင် ပရိယတ္တိစာသင် တိုက်ကြီးများ ဖွင့်လှစ်၍ ပရိယတ်ကို ပို့ချသင်ကြား ပေးနေခြင်း၊ နိုင်ငံတော် ပရိယတ္တိသာသနာ့ တက္ကသိုလ်ကြီးများ၊ အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ်ကြီးနှင့် သီတဂူကမ္ဘာ့ ဗုဒ္ဓတက္ကသိုလ်ကြီးများ၌လည်း ပရိယတ်ကျမ်းဂန်များ ကို ဘာသန္တရပါတွဲဖက်၍ ခေတ်မီနည်းစနစ်ဖြင့် ပို့ ချသင်ကြားပေးနေခြင်း၊ ပဋိပတ္တိကမ္မဋ္ဌာန်းနည်းပြ သာသနာ့ရိပ်သာများ ဒေသအနံှ့အပြား ဖွင့်လှစ်ပြသ နေခြင်းတို့ကြောင့် ပရိယတ္တိသာသနာတော်၊ ပဋိပတ္တိ သာသနာတော် တည်တံ့ရေးမှာ အားရကျေနပ်ဖွယ် ရှိပါသည်။ ထို့ထက် တိုးတက်အောင် အားပေး ထောက်ပံ့ကူညီရန်သာ လိုအပ်ပါသည်ဘုရား သာသနာတော်ပြန်ပွားရေး ဆရာတော်အရှင်မြတ်တို့ဘုရား- သာသနာတော်ပြန့်ပွားရေးအတွက် နယ်စပ် ဒေသနှင့် တောင်တန်းဒေသများ၌ သာသနာပြု ကျောင်းများ ဖွင့်လှစ်ဆောင်ရွက်နေပါသည်။ အားရကျေနပ်အောင်တော့ မအောင်မြင်သေးပါ။ မအောင် မြင်ရသေးခြင်းမှာလည်း ပစ္စည်းလေးပါး အထောက် အပံ့ နည်းပါးခြင်းကြောင့် ဖြစ်ပါသည်။ ဗုဒ္ဓဘာသာ ဝင် မြန်မာလူမျိုးများသည် ငွေကျပ်သိန်းတစ်ထောင် သိန်းနှစ်ထောင်ကုန်၊ သုံးထောင်ကုန် ကျောင်း၊ ကန် စသည်များ ဆောက်လုပ်လှူဒါန်းနိုင်ကြသော်လည်း ဗုဒ္ဓသာသနာမထွန်းကားသေးသော ဒေသများ၌ ဆင်းဆင်းရဲရဲ သာသနာပြုနေကြသော သံဃာတော် များအား ထောက်ပံ့ရန် ကိစ္စကိုမူ နှလုံးမသွင်းမိကြဘဲ ဖြစ်နေပါသည်။ နိုင်ငံခြားသာသနာပြု ကျောင်း များမှာ ကျောထောက်နောက်ခံ အထောက်အပံ့က ပြည့်စုံလုံလောက်စွာ ရနေတဲ့အတွက် သူတို့ သာသနာပြုတွေက အောင်မြင်ကြပါသည်။ တပည့်တော်တို့က သူတို့ကို မယှဉ်နိုင်ဘဲ ဖြစ်နေကြပါသည်။ ဒီသာသနာပြုကုသိုလ်၏ ထူးကဲမွန်မြတ်ပုံကို လူ အများသိအောင် ဟောပြောဆွဲဆောင်ဖို့ လိုပါသည်။ ဒီကိစ္စကိုတော့ နိုင်ငံကျော် ဓမ္မကထိက ဆရာတော် အချို့လည်း ရှိပါသည်။ ဤဓမ္မကထိက ဆရာတော် မျိုး များများပေါ်ထွက်လာအောင် တောင်းပန် တိုက် တွန်းဖို့ လိုအပ်ပါသည်ဘုရား။
ကမ္ဘာ့မှာ ဗုဒ္ဓသာသနာတော်ပြန့်ပွားဖို့က တော့ ဘာသန္တရကျွမ်းကျင်သော သာသနာပြု ရဟန်း တော်များ အများအပြား ပေါ်ပေါက်လာဖို့ လိုအပ်ပါသည်။ ပရိယတ်၊ ပဋိပတ် အခြေခံလုံလောက်ပြီး သော ရဟန်းတော်များ ဘာသန္တရလေ့လာဆည်းပူး ရန် အားပေးချီးမြှောက် ထောက်ပံ့သင့်ပါသည် ဘုရား။ ဤသို့ ပရိယတ္တိ သဒ္ဓမ္မ၊ ပဋိပတ္တိသဒ္ဓမ္မနှစ်ပါး သန့်ရှင်းတည်တံ့ပြန့်ပွားလာလျှင် ပဋိဝေဓသဒ္ဓမ္မ ဟူသော မဂ်ဖိုလ်နိဗ္ဗာန် အသီးအပွင့်ကို ဧကန်သုံး ဆောင် ခံစားရမည် ဖြစ်ပါသည်ဘုရား။ ဆရာတော်အရှင်မြတ်တို့ဘုရား- ယခု ဘုရားတပည့်တော် လျှောက်ထားတင် ပြခဲ့သည့်အတိုင်း သံဃာ့အဖွ့ဲအစည်း အဆင့်ဆင့် ၏ ဦးတည်ချက်ဖြစ်သော “သာသနာတော်သန့်ရှင်း၊ တည်တံ့၊ ပြန့်ပွားရေး” သုံးရပ် အကောင်အထည် ပေါ် လာအောင် တာဝန်အရှိဆုံးဖြစ်သော နိုင်ငံ တော် သံဃမဟာနာယကအဖွဲ့ကြီးက ဦးဆောင်၍ နိုင်ငံတော် ဗဟိုသံဃာ့ဝန်ဆောင် ဆရာတော်များ၊ သံဃသမ္မုတိရ သံဃာ့ကိုယ်စားလှယ် ဆရာတော်များ၊ သက်ဆိုင်ရာ အာဏာပိုင်အဖွဲ့အစည်းများနှင့် သာသနာတော်ကို ကြည်ညိုမြတ်နိုးကြသည့် ဥပါ သကာ၊ ဥပါသိကာများလက်တွဲ၍ ညီညီညာညာ အင်တိုက်အားတိုက် ဆောင်ရွက်ကြပါရန် လေးလေး နက်နက် တိုက်တွန်းလျက် ဘုရားတပည့်တော်၏ သာရဏီယသြဝါဒကထာကို နိဂုံးကမ္ပတ်အဆုံးသတ်ပါသည်။ နိုင်ငံတော် သံဃမဟာနာယကဆရာတော် အရှင်မြတ်တို့ဘုရား။
ဘဒ္ဒန္တကုမာရ
ဥက္ကဋ္ဌ နိုင်ငံတော်သံဃမဟာနာယကအဖွဲ့ နိုဝင်ဘာ (၇) ကြေးမုံသတင်းစာပါ
ဥက္ကဋ္ဌဆရာတော်ဘုရားကြီး၏ သြဝါဒကထာ...
http://shintharmi.blogspot.com
အဓမၼ၀ါဒမ်ားကုိ ေနာင္ ျပန္လည္မေပၚေပါက္ေစရန္ အာဏာစက္အကူညီေပးရန္
ေစာဒကဆရာေတာ္မ်ားမွ ေတာင္းပန္ေလွ်ာက္ထားေနပုံ
